KIKO ♥

4:46 PM Unknown 0 Comments

مساء الخير :)

اليوم بتكلم عن ماسكات كيكو طبعا هي ماركة ايطالية واعتبرها منافسة لشركات مكياج وتجميل كبيره الحلو فيها جودتها واسعارها 
رخيصه مقارنة بنتايجها , بتكلم عن كل ماسك وش فايدته وش شفت منه نتيجه .

ماسك (anti-age ) او مضاد التجاعيد استخدمته خمس مرات نتايجه كانت عاديه ماشفت تغير واو اللهم نور لي وجهي شوي 
قريت تجارب اجنبيات له قالو انه مايناسب البشره الجافه لان فيه مكوناته مادة الكاولين وهي مادة تجفف الجلد اكثر بالنسبه للبشره الجافه انا ماحسيت انه جفف بشرتي .

ماسك الطاقة وهو الاعلى مبيعا عندهم الحلو فيه ينقي البشره من عوامل التلوث اللي بالجو وينظفها هالماسك قوامه اسود طيني 
ينحط ربع ساعه على البشره بعدها يغسل بماء دافي الحلو فيه بعد استخدامه تحسين بشرتك تتنفس بالنسبه لي هالماسك من الاشياء اللي ماستغني عنه بسفراتي لان البشره بالسفر مهما سويت لازم تتغير وهذا يساعدني شوي احل مشاكلها .

هالماسك بالنسبه لي سحر قبل اي مناسبه هو شد البشره استخدمه بيوم المناسبه يعطي بشرتي استرخاء كاني نايمه 12 ساعه من غير مبالغه غير نتايجه الفوريه يعني خطوط تعبيريه بسيطه حسيتها خفت وانشدت بشرتي اكثر طبعا هالشي مررره يساعد وقت المكياج , بالنسبه لقوامه كريمي ينحط على بشره جافه لمدة ربع ساعه ويغسل بماء دافي .
هالماسك له سيروم قريت عنه مدح كثير وللاسف مالقيته كان اوت اوف ستوك :(
عمل السيروم فوري يعني ممكن تستغنين عن الماسك وتحطينه قبل المكياج يشد البشره ويعمل امتلاء للتجاعيد 
من مكونات السيروم والماسك السيلكون والكولاجين وحمض الهيالورنيك وكلها فوائد للبشره .

ماسك التقشير الخفيف نفس اللي قبله قوامه كريمي ينحط على بشرة جافه لمدة ربع ساعه كاتبين انه يسوي تقشير خفيف وينقي البشره من الحبوب بالنسبه لي سبب لي احمرار للبشره وقت ماحطيته حسيت بقرصات ولما شلته صارت بشرتي حمرا جربته ثلاث مرات كل مره اقول يمكن انا استخدامي غلط بس بالاخير نفس النتيجه احمرار وبس :(

 

مقشر الايدي والارجل رهيب وعمله فوري اللي حسيته فرق معي رجولي صراحه صارت انعم وكان في اماكن غامقه بعد السفر والشمس صار تان دايم برجولي :( فماخففه الا هالمقشر احطه ربع ساعه على بشره جافه واغسله واحط اي مرطب عندي مره حبيييت النتيجه وهالماسك من الاشياء اللي برجع اشتريه .